Elke mens het ‘n integrale sin vir spiritualiteit (Homo Spiritualis) en ‘n behoefte om in aanraking te kom met die God wat ons geskape het met hierdie spirituele bewustheid. Die 21ste eeu se leefstyl lei ons egter om hierdie noodsaaklike spirituele bewustheid the ontken en vervang ons diepe verlange na God met verskeie afleidings. Ons samelewing met sy materialisme, gejaagdheid, sekularisme, verbruikerswese en al sy ander mensgemaakte aantreklikhede verdiep net hierdie gaping tussen Skepper en geskapene. Selfs in die kerk is daar baie mensgemaakte afleidings wat ons van tyd tot tyd verhoed om maniere te vind om die gaping te oorbrug. Hierdie afleidings kan nie die Godgegewe gaping vul wat slegs deur ‘n spirituele verbinding met God gevul kan word nie. ‘n Kort definisie van ons begrip van die woord retraite is die volgende: “’n Tyd van afgesonderdheid en stilte met die doel om mens se verhouding met God te verdiep.”